పేజీలు

31, మే 2018, గురువారం

పాలకూర


పాలకూర. ఆంగ్లం: Spinach . హిందీ: Palak .
పాలకూరలోని ఆల్ఫాలిపోయిక్ యాసిడ్ అనే యాంటీ ఆక్షిడేంట్ రక్తంలోని గ్లూకోజ్ స్థాయులను తగ్గించి, ఇన్సులిన్
స్రావాన్ని పెంచడంద్వారా మధుమేహాన్ని దూరంచేస్తుంది. మధుమేహరోగులలో నరాల వ్యగ్రతను కూడా నివారిస్తుంది.
దీనిలోఉండే ల్యుటీన్ అనే పోషకం చర్మానికి కావలచిన తేమను అందించటమే కాక ధమనులనుండి కొలెస్టరాల్ ను
తొలగించి, గుండెపోటు రాకుండా చూస్తుంది. దీనిలో అత్యధికంగా ఉండే ల్యుటీన్, జియోకాంతిన్ లు కేటరాక్ట్ మరియు
ముసలితనంలో వచ్చే మాక్యులర్ డీజనరేటివ్ వ్యాదులు కళ్ళకు రాకుండా కాపాడుతాయి. దీనిలోని క్లోరోఫిల్ మరియు
కెమోఫెరాల్ అనే యాంటీఆక్సిడెంట్, కాన్సర్ కారకాలైన కార్సినోజెన్స్ లను నిర్వీర్యం చెయ్యటం ద్వారా కాన్సర్ రాకుండా
చేస్థాయి. దీనిలో సమృద్ధిగా ఉన్న పొటాషియం కండరాలను వృద్ధి చేస్తుంది, క్రాంప్స్ రాకుండా నివారిస్తుంది, అధిక
రక్తపోటును సమర్ధవంతంగా నియంత్రిస్తుంది. పొటాషియం మెదడుకు రక్తప్రసరణను పెంచటం ద్వారా మెదడు ఆరోగ్యానికి,
చురుకుదనానికి, మరియు అల్జీమర్ వ్యాధి నిరోదానికి కుడా చక్కగా పనిచేస్తుంది. దీనిలోని యాంటీ ఆక్సి డెంట్స్
పొటాషియంతో కలిసి మానసిక కేంద్రీకరణ శక్తిని, గ్రాహ్యతను, పనితీరును, వృద్ధి చేస్తాయి. ఇనుము ఎర్రరక్తకణాలను
తయారు చేస్తూ, జుట్టు రాలకుండా రక్షిస్తుంది. చర్మం అందానికి, ఆరోగ్యానికి పాలకూరను మించింది లేదు. దీంట్లోని
A విటమిన్ చర్మం, శిరోజాలు, ఇతరకణాల రూపురేకలను, తరళత్వాన్ని వృద్దిచేసి, సొగసు నిస్తాయి. C విటమిన్
మొటిమలు, ముడతలు, లేకుండా చర్మము మృదువుగా మెరిచేట్లు చేస్థాయి. సమృద్ధిగా ఉన్న విటమిన్ K
శరీరానికి కాల్షియం వంటపట్టునట్లు చేసి ఎముకలను ఆరోగ్యంగా ఉంచటమేకాక, ఎముకలు విరిగే ప్రమాదం లేకుండా
చేస్తుంది. దీనిలోని B కాంప్లెక్స్ విటమిన్లు గర్భిణీలలో న్యూరల్ ట్యూబ్ డిఫెక్ట్స్ రాకుండా చూస్తాయి. గుండె, నరాలు,
కండరాలు ఆరోగ్యంగా పనిచేసేటట్లు దీనిలోని మెగ్నీషియం చూస్తుంది. పాలకూరకు కండరాలను దృడంగా మార్చే శక్తి
ఉంది. దీనిలోని బీటా కెరటేన్ ఆస్మా రాకుండా రక్షించటమే కాక, A విటమిన్ తయారీకి సహాయపడుతుంది. ఫైబర్
మలబద్దకం రాకుండా నివారిస్తాయి. 100 గ్రాముల పాలకూర లో 194 మైక్రోగ్రాముల పోలేట్ లభిస్తుంది. పోలేట్
హైపర్ టెన్షన్, అల్జీమర్ వ్యాధులను పూర్తిగా నిరోధిస్తుంది. NB: రక్తం పలుచన చేసే మందులు వాడేవారు,
కిడ్నీ వ్యాదులు, గాల్ బ్లాడర్ వ్యాదులు కలవారు పాలకూరను వాడరాదు.

30, మే 2018, బుధవారం

గుమ్మడి గింజలు


గుమ్మడి గింజలు. ఆంగ్లం: Pumpkin Seeds. హిందీ: Kaddu Beej.
గుమ్మడి గింజల్లో మాంగనీస్, ఫాస్పరస్, పొటాషియం, మెగ్నీషియం, క్రొవ్వు, ఒమేగా-3, E,K,A, విటమిన్లు,
పైటో స్టెరాల్స్, జింక్, పైటో న్యూట్రియాంట్స్, ఐరన్, లభిస్తాయి. దీనిలో పుష్కలంగా వుండే ఒలేయిక్ యాసిడ్
(ఒమేగా-9) చెడ్డ కొలెస్టరాల్ LDLను తగ్గించి, మంచి కొలెస్టరాల్ HDL ను పెచుతుంది. దీని లోని ట్రిప్టోఫాన్ అనే
ఎమినోయాసిడ్ సెరిటోనిన్, నియాసిన్ లుగా మార్పుచెందుతుంది. సెరిటోనిన్ మంచినిద్రను, మానసిక ప్రశాంతతను
కలిగింఛి, డిప్రెషన్ ను తొలగించే న్యూరోకెమికల్. నియసిన్ కొలెస్టరాల్ స్థాయులను నియంత్రిస్తుంది. దీనిలో అత్యదిక
మోతాదులో ఉన్న E విటమిన్ ప్రీరాడికల్స్ ను సమర్దవంతముగా నిరోదించి చర్మాన్ని, శరీరాన్ని రక్షిస్తుంది. దీనిలోని
గ్లుటామేట్, గామాఎమినో బుటెరిక్ యాసిడ్ సంయోగంతో మానసిక మరియు నరాల వ్యగ్రతలను నివారిస్తుంది. దీనిలోని
B కాంప్లెక్స్ విటమిన్లు శరీర కణజాలం యొక్క క్రియలను సజావుగా నడుపుతాయి. దీనిలోని జింక్ తలలో చుండ్రును
ఎప్పటికి రానివ్వకుండా చెయ్యటమే కాక, జుట్టును పోడిబారనివ్వదు. అంతేకాక జింక్ ఎముక పుష్టిని, పంచేంద్రియాల
గ్రహణ శక్తులను, కంటి ఆరోగ్యాన్ని వృద్ధిచేస్తుంది. దీనిలోని క్లోరోఫిల్ జీర్ణాశయంలోను, రక్తంలోను క్షారస్థితి ని పెంపొం
దించటం ద్వారా శరీరంలోని అన్ని మలినాలను తొలగిస్తుంది. మన ఆహార పదార్ధాలలో క్షారస్తితిని కలిగించగలిగే ఏకైక
పదార్దం ఇది. వీటిలోని పైటోన్యూట్రియంట్స్ మదుమేహరోగులలో కిడ్నీలలోరాళ్ళు, మరియు ప్రోస్టేట్ కాన్సర్ రాకుండా
సమర్ధవంతంగా నిరోధిస్తాయి అని ఒక పరిశోధన. దీనిలోని మెగ్నీషియం తలనొప్పి, నిద్రలేమి, నిస్సత్తువ, అశాంతి
మలబద్దకం, గుండెజబ్బులను, నివారిస్తుంది. థైరాయిడ్ రాకుండా గుమ్మడి విత్తులు రక్షిస్తాయి. జీర్ణాశయము,
ప్రేగులలోని పరాన్నజీవులను, సూక్ష్మక్రిములను, తొలగిస్థాయి. 100 గ్రాముల గుమ్మడి గింజల్లో మాంగనీస్-
4543 mg. కాపర్-1343 mg. ఫాస్ఫరస్ –1233 mg. పొటాషియం –809 mg. మెగ్నీషియం – 592 mg.
ఫైబర్ – 6 g. కాల్షియం – 46 mg. E విటమిన్–35mg. పోలేట్–58mcg. లబిస్తాయి.

29, మే 2018, మంగళవారం

వేరుశనగ గింజలు


వేరుశనగ గింజలు. ఆంగ్లం: Peanuts. హిందీ: Moong Phali.
వేరుశనగ పప్పుల్లో ప్రోటీన్, పాస్పరస్, నియాసిన్, బయోటిన్, థైమీన్, లతో పాటు 13 రకాల విటమిన్లు,
26 రకాల ఖనిజలవణాలు ఉన్నాయి. వీనిలోని రిజవెరాట్రాల్ గుండెజబ్బులు నుండి, క్యాన్సర్ల నుండి, అల్జీమర్స్
వ్యాధినుండి రక్షణ కల్పించి, నిత్యయవ్వనంతో ఉండేలా చేస్తుంది. రోజూ ఒక గుప్పెడు పల్లీలు తినటం ద్వారా పై
వ్యాదులు ధరిచేరకుండా చెయ్యవచ్చు. వారానికి ఒక ఔన్స్ పల్లీలు తిన్న మహిళల్లో గాల్ స్టోన్స్ ఏర్పడే ప్రమాదం
25% తగ్గినట్లు ఒక అధ్యయనం. వీనిలో అత్యధికంగా ఉన్న బీటాసిస్టేరాల్ శరీరంలో కణుతులు, కాన్సర్ గడ్డలు
ఏర్పడకుండా నిరోధిస్తుంది. బెల్లంతో కలిపి తింటే, ఋతుసమయాల్లో అధిక రక్తస్రావంతో బాధపడేవారికి మంచి
శక్తిని, రోగనిరోధకశక్తిని ఇస్తాయి. వీనిలో సమృద్ధిగా ఉండే ఓలిక్ యాసిడ్ (ఒమేగా-9) మెదడును చురుకుగా
ఉంచుతుంది. వీటిలోని నయసిన్ (B3) జ్ఞాపకశక్తిని వృద్ధిచేస్తుంది. గుండెకు మేలుచేసే మోనో అన్ శాచ్యురేటేడ్
క్రొవ్వులు,ఒలేయిక్ యాసిడ్ ఎక్కువ. ఇవి గర్భినులకు, పాలిచ్చేతల్లులకు కూడా ఎంతో మంచివి. పుట్టబోయే
పాపాయిలలో నాడీసంబంద వ్యాదులను నిరోదిస్తాయి. యాంటీ ఆక్షిడేంట్లు, బ్లాక్ బెర్రీ, స్ట్రాబెర్రీ, క్యారట్, బీట్రూట్
లలో కన్నా వేయించిన పల్లీలలో చాలా ఎక్కువ. వీనిలోని బయోటిన్ శిరోజాలు చివరలు చిట్లిపోకుండా,
రాలిపోకుండా రక్షణగా నిలుస్తుంది. వీటిలోని నియాసిన్ మరియు ఐరన్ జుట్టు రాలకుండా, నెరవకుండా
సహాయపడుతాయి. వీనిలోని ఆర్గినైన్ పురుషులలో బట్టతల రాకుండా పని చేస్తుంది. పని తీవ్రత, మానసిక
వత్తిడి వలన వెంట్రుకలు తెల్లబడే వారికి వేరుశనగలు మంచి ఆహారం. వీనిలోని ట్రిప్టోఫాన్ – సెరిటోనిన్ ను
విడుదల చెయ్యటం ద్వారా డిప్రెషన్ ను సమర్ధవంతంగా నిరోదించగలదు. ఒమేగా3 వెంట్రుకల కుదుళ్ళుబలంగా
ఉండేట్లు, జుట్టు వత్తుగా పెరిగేట్లు చేస్తాయి. C&E విటమిన్లు చర్మంమీద ముడతలు రాకుండా చూస్తాయి.
పల్లీలు ముక్కు నుంచి రక్తం కారటాన్నిఆపుతాయి.

28, మే 2018, సోమవారం

ఆక్రోట్ (Walnut)


ఆక్రోట్. ఆంగ్లం: వాల్ నట్. హిందీ: ఆక్రోట్.
మెదడు ఆకారంలో ఉండే వాల్నట్లు జ్ఞాపకశక్తిని అభివృద్ధి పరచడంలో ముందు ఉంటాయి. మతిమరుపుకు చెక్ పెట్టి,
మెదడు పనితీరు చురుగ్గా ఉండేట్లు చేస్తాయి. దీనిలోని సిల్వర్ ఆయాన్లు మెదడు కణజాలానికి, మెదడు ఆరోగ్యానికి
అత్యంత అవసరం. గుండె ఆరోగ్యానికి మరియు ఎముకలకు మేలుచేసే ఆల్ఫిలినోలినిక్ యాసిడ్,ఒమేగా3 ప్యాటీ యాసిడ్,
గామా టోకోఫెరాల్, దీనిలో పుష్కలంగా ఉన్నాయి. ఇవి మంచి కొలెస్టరాల్ ను పెంచి, చెడు కొలెస్టరాల్ ను తగ్గించి,
గుండె నాళాల్లో అడ్డంకులు లేకుండా, గుండె జబ్బులు రాకుండా చూస్తాయి. ప్రతిరోజూ నాలుగు ఆక్రోటు పప్పుల్నితిన్న
మహిళల్లో బ్రెస్ట్ కాన్సర్ మరియు పిత్తాశయంలో రాళ్ళు పెరిగే ప్రమాదం 28శాతం తగ్గినట్లు తేలింది. ఆక్రోట్స్ చక్కటి
నిద్రను కలిగిస్తాయి. వీనిలోని ఫైబర్ ఊబకాయం రాకుండా చేస్తుంది. వీటిలోని పైటో స్టిరాల్స్, పాలిఫినాల్స్, క్యాన్సర్
కణుతుల ఎదుగుదలను అడ్డుకుంటాయి. దీనిలోని బయోటిన్ పదార్ధం జుట్టుకు చెందిన అన్నిసమస్యలను నివారించి,
శిరోజాలు పట్టు కుచ్చులా, పొడవుగా పెరిగేట్లు చేస్తుంది. దీనిలోని రాగి మరియు E విటమిన్, చర్మపు వృద్ధాప్య
లక్షణాలను, ముడతలను తగ్గించి, చర్మానికి సాగే గుణాన్ని, నిగారింపుని ఇస్తాయి. వాల్నట్ నూనెకు తీవ్రమైన
ఒత్తిడిని తక్షణం నివారించే గుణం ఉంది. శరీరంలోని ట్రై గ్లిజరైడ్లని నియంత్రించడానికి, రక్తప్రసరణ సాఫీగా జరగడానికి
సాయపడతాయి. వీనిలోని యాంటీ ఆక్సిడెంట్లు జీవక్రియలను వేగవంతం చేసి, అల్జీమర్స్ వ్యాధిని నిరోధిస్తాయి.
డ్రై ఫ్రూట్స్ అన్నింటిలో వాల్ నట్స్ లోనే అత్యధిక యాంటీ ఆక్సిడెంట్ సుగుణాలున్నాయి

27, మే 2018, ఆదివారం

వెల్లుల్లి (Garlic)


వెల్లుల్లి. ఆంగ్లం: Garlic . హిందీ: లశున్.
విటమిన్-సి, B6, మాంగనీస్, పొటాషియం దీనిలో సమృద్ధిగా దొరుకుతాయి. వెల్లుల్లిలోని తియోసల్ఫినైట్ కాంపౌండ్స్
యాంటీ బయాటిక్స్ కన్నా వందరెట్లు శక్తివంతమైనవి. ఇవి ఎల్లిసిన్ (allisin)గా మారటం ద్వారా రక్తనాళాలను
వ్యాకోశింపజేసి చేసి రక్తప్రసరణను సులభం చేస్తుంది. రక్తం రక్తనాళాలలో గడ్డకట్టకుండా చూస్తుంది. చెడు కొలెస్టరాల్
తయారీని తగ్గించడమే కాదు, రోగనిరోధకశక్తిని పెంచుతుంది. రోజుకి నాలుగు గబ్బాలు పచ్చిగా తిన్నట్లయితే కాన్సర్,
మధుమేహం, గుండెజబ్బులు రాకుండా కాపాడుతుంది. దీనిలోని యాంటీ ఆక్షిడేంట్స్, ప్రీరాడికల్స్ ను బయటకునెట్టి,
చర్మము ముడతలు పడకుండా, ముసలితనం త్వరగా రాకుండా చేస్తుంది. తీసుకున్న ఆహారం వంటికి పట్టునట్లు చేసి
శరీరానికి మంచి ఆకృతిని కలగచేస్తుంది. దీనిలోని కాల్షియం, విటమిన్ K, ఎముకలను దృడంగా తయారు చేస్తాయి.
దీనిలోని కుకుర్బిటాసియన్స్, లిగ్నాన్స్ గుండెజబ్బులను, కాన్సర్ కణాల తయారీని అడ్డుకుంటాయి. దీనిలోని B1,B5,
B7 విటమిన్లు మానసిక వత్తిడిని నివారిస్తాయి. దీనిలోని ఫిసెటిన్ అనే ఫ్లవనాయిడ్ జ్ఞాపకశక్తిని, నేర్చుకునే శక్తిని,
పెంచుతుంది. మెదడుకు సమాచారాన్ని చేరవేసే నరాల ఆరోగ్యాన్ని కాపాడటంలో, మెదడులో కణాల విధ్వంసాన్ని
అడ్డుకోవటంలో, వెల్లుల్లి అందె వేసిన చేయి. అల్జీమర్ వ్యాధి వచ్చే ముప్పును తగ్గిస్తుంది. నోటి దుర్వాసన కలిగించే
క్రిములను నాశనం చేస్తుంది. ఆరోగ్యకర తెల్లకణాల ఉత్పత్తికి తోడ్పడుతుంది. దీనిని ఫ్యాట్ బర్నింగ్ ఫుడ్ అంటారు.
ఇవి ఊబకాయాన్ని తగ్గిస్తాయి. Tip: మూడు గబ్బాలను నలగగొట్టి పది నిముషాల తర్వాత టీ స్పూన్ తేనెతో
పరగడుపున తీసుకుంటే మంచిది.

26, మే 2018, శనివారం

అవిసె గింజలు (Flax Seeds)


అవిసె గింజలు: ఆంగ్లం: Flax seeds , Linseed. హిందీ: Alsi
అవిసె గింజల్లో పొటాషియం, మెగ్నీషియం, కాల్షియం, పీచు, లిగ్నాన్స్, ఒమేగా-3, ఒమేగా-6 ఫ్యాటీ ఆమ్లాలు,
యాంటీ ఆక్షిడేంట్లు, Bవిటమిన్లు ( B1, B2, B3, B5, B6, B9) సమృద్ధిగా ఉంటాయి. కార్బోహైడ్రేట్లు చాలా
తక్కువ. చేపల తర్వాత ఒమేగా-3 వీనిలోనే అధికం. ఒమేగా-3 (ఆల్ఫాలినోలిక్ యాసిడ్) మధుమేహం రాకుండా
చెయ్యటమే కాక కీళ్ళనొప్పులు, ఆర్ధరైటిస్ వంటి వ్యాదులలో మేలు చేస్తుంది. వీనిలోని ఫ్యాటీ యాసిడ్స్ ఎమర్జన్సీగా
పనిచేసి డిప్రెషన్ ను కూడా సమర్దవంతముగా నివారిస్తాయి. వీటిలోని ఒమేగా ప్యాటి యాసిడ్స్ ధమనుల్లో రక్తం
గడ్డకట్టకుండా చూడటమేకాక, గుండెజబ్బులను, అనేక క్యాన్సర్ లను,నిరోధిస్తాయి. మరియు మొటిమలు,ఎలర్జీలు,
దురదలు లాంటి చర్మ వ్యాధులను నిరోదించి చర్మము మృదువుగాను, మంచి రంగుతో ఆరోగ్యవంతంగాను, ఉండేట్లు
పనిచేస్తాయి. వీనిలో అధికంగా ఉండే పీచు పేగుల్లోని విషపదార్ధాలను తొలగించి, ఆరోగ్యకరమైన బాక్టీరియా పెరిగేలా
చేస్తుంది, మలబద్దకాన్నితొలగిస్తుంది. బరువు తగ్గాలనుకునేవారికి వీటిని మించిన ఆహారం లేదు. మానవ ఆహార
పదార్దాలలోనే అధిక మోతాదులో లిగ్నాన్స్ కలిగిఉన్న అవిసెలు మహిళల్లో హార్మోనుల అసమతుల్యతను సరిచేస్తాయి.
వీనిలోని మినరల్స్ జుట్టు పొడిబారటం, చిట్లటం, చుండ్రులను నిరోదించి, ఛిక్కని శిరోజాలను వృద్ధిచేస్తాయి. అవిసె
గింజలు హైపర్ టెన్షన్, కాలేయవ్యాధులను తగ్గిస్తాయి. శరీరంలో వేడిని పుట్టిస్తాయి. మెదడుకు శక్తిని పెంచుతాయి.
మెనోపాజ్ మహిళల్లో వేడిఆవిర్లను తగ్గిస్తాయి. ఎముకల పెళుసును తగ్గించి వాటి సాంద్రతను పెంచుతాయి.
Tip: వీటిని పిండి రూపంలో వాడితేనే ప్రయోజనం ఎక్కువ. ఒక స్పూన్ మోతాదు మించకుండా వాడాలి.
NB: అవిసె నూనెను అధికంగా వేడిచేసి వాడకూడదు. 100 గ్రాములలో పోషకాలు: పొటాషియం-813 mg.
మెగ్నీషియం-392 mg. కాల్షియం-255 mg. పీచు-27 g. E విటమిన్-20 mg. పోలేట్-87 mcg.

25, మే 2018, శుక్రవారం

అత్తిపండు (Fig)


అత్తిపండు: ఆంగ్లం: Fig హిందీ: Anjeer వృక్ష నామం : Ficus Carrica
వీటిలో పొటాషియం(680 mg) ఎక్కువ, సోడియం(10 mg) తక్కువ కనుక అధిక రక్తపోటు తో భాధపడే వారికి
ఇది పర్ఫెక్ట్ ఫ్రూట్. దీనిలోని ఫినాల్ మరియు ఒమేగా-6 ప్యాటీ ఆమ్లాలు గుండె జబ్బులు రాకుండా నిరోదిస్థాయి.
కాల్షియం పీచు రూపంలో ఉండేది అత్తి పండులో మాత్రమె! కాల్షియం.ఎముకల వృద్ధికి, పుష్టికి దోహదం చేస్తుంది.
వీనిలోని ల్యుటేయేలిన్ అనే ప్లవనాయిడ్ రొమ్ము క్యాన్సర్, కోలన్ కేన్సర్, బ్రెయిన్ కాన్సర్, కాలేయ కాన్సర్, చర్మ
కాన్సర్ ల నివారణకి గణనీయంగా పనిచేస్తుంది. అత్తిపండ్లు హైపర్టెన్షన్ ను కంట్రోల్ చేస్తాయి. శారీరక, మానసిక,
లైంగిక బలహీనతలను తగ్గిస్తాయి. దీనిలోని పెక్టిన్ అనే సెల్యులోజ్ కొలెస్టరాల్ ను తగ్గిస్తుంది, మలబద్ధకాన్ని తొలగిస్తుంది.
ఇందులోని జిగురు గొంతులోని నొప్పిని, పుండ్లను తగ్గిస్తుంది. గొంతు నొప్పికి వీనిని నీటిలో నానబెట్టి తేనెతో కలిపి
తీసుకోవాలి. శ్వాసమార్గంలో కఫం పేరుకు పోయి గాలి పీల్చడం కష్టం అయినవారు వీనిని వాడితే కఫం తెగి శ్వాస
దారాళంగా ఆడుతుంది. ఇందులోని ట్రిప్టోఫాన్ హాయిగా నిద్ర పట్టేలా చేస్తుంది. ఏ వ్యాధితో బాధపడుతున్నా వీనిని తీసు
కుంటే శరీరానికి అవసరమైన శక్తిని వేగంగా పొందుతారు. పాలతో కలిపి తీసు కుంటే రక్తం బాగా పట్టేట్లు చేయడ మేకాక,
గర్భిణీలకు గర్భస్రావం జరగ నివ్వదు. వీని గింజలు పురుషుల్లో శుక్రకణాలసంఖ్యను, సంతాన సామర్ధ్యాన్ని పెంచుతాయి.
పురుషులు మూడు పండ్లను వెన్నతో కలిపి తీసుకుంటే వీటి శక్తి ఇనుమడిస్తుంది. దీని ఆకులు ట్రై గ్లిజరైడ్స్ స్థాయిని,
ఇన్సులిన్ మోతాదును తగ్గించడంలో పని చేస్తాయి. NB: మూత్రపిండ సమస్యలు ఉన్న వారు వీనిని తినరాదు.

24, మే 2018, గురువారం

బార్లీ బియ్యం


బార్లీ బియ్యం. ఆంగ్లం: Barley . హిందీ: జౌ (Jow)
బార్లీ గింజలలోని కాల్షియం, పాస్పరస్, ఎముకలకు గట్టితనాన్ని, మెరుపును, మంచిఆరోగ్యాన్ని ఇస్తాయి.
నియాసిన్, విటమిన్ B కాంప్లెక్స్ రక్తనాళాలు పూడిపోకుండా చేసి, గుండెజబ్బుల ప్రమాదాన్ని తగ్గిస్తాయి.
బీటా-గ్లూకాన్ అనే పీచు పదార్ధం దీనిలో చాలా ఎక్కువగా ఉండటమే కాక, ప్రోసెస్ చేసినా చెక్కు చెదరక
పోవటం ఒక విశేషం. ఇది చెడుకొలెస్టరాల్ తయారీని 17% తగ్గించటమే కాక, రక్తంలో చెక్కెర, ఇన్సులిన్
స్థాయులను తగ్గిస్తుంది. ఈ ఫైబర్ పెద్దప్రేవులు, కండరాలు, కాలేయంల కణాలకు అవసరమయ్యే ఆహారపు
తయారీకి సహకరిస్తుంది. మరియు మలవిసర్జనను సజావుగా జరిపి కోలన్ కాన్సర్, రక్త మొలలు, గుండె
జబ్బులు రాకుండా నిరోదిస్తుంది. దీనిలోని కరగని పీచు బైల్ యాసిడ్స్ తయారీని తగ్గించటం ద్వారా గాల్
బ్లాడర్లో స్టోన్స్ ను రానివ్వదు. దీనిలోని కాపర్ ఎముకలు, కీళ్ళు, రక్తనాళాలు, పెళుసుబారకుండా చేసి
ప్లెక్షిబిలిటీని కాపాడుతుంది. దీనిలోని అధిక మెగ్నీషియం గ్లూకోజ్, ఇన్సులిన్లను తయారుచేసే ఎంజైమ్లకు
సహకరించి మధుమేహం రాకుండా కాపాడుతుంది. దీనిలోని ఫాస్పరస్ కణాల మరియు నాడీవ్యవస్థ రూపురేకల్ని
నిర్మించి, నిర్వహిస్తుంది. దీనిలోని సెలీనియం, చర్మపు సాగేగుణాన్ని నిలిపి ఉంచి ముసలితనం త్వరగా
రాకుండా కాపాడటమే కాక వ్యాధుల వల్ల దెబ్బతిన్న కణాలను పునర్ నిర్మాణం చేస్తుంది. దీనిలోని లిగ్నాన్స్
అనే పైటోన్యూట్రియాంట్ గుండెజబ్బులు, కాన్సర్ లు రాకుండా నిరోదిస్తుంది. బార్లీ ఎండా కాలంలో దాహార్తిని
పోగొట్టి, శరీరానికి చల్లదనాన్ని కలిగిస్తుంది. బార్లీ మూత్రాన్ని జారీ చేయటం ద్వారా మూత్రనాళపు వ్యాధులను
తగ్గిస్తుంది. బార్లీ గర్భిణీలలో వేవిళ్ళు, మలబద్ధకం, మధుమేహం, తలత్రిప్పు, ఎనీమియా, గాల్ స్టోన్స్,
లాంటివి రాకుండా నిరోదించి, పిండాన్ని రక్షిస్తుంది. NB: గ్యాస్ట్రిక్ ట్రబుల్ ఉన్నవారు వాడవద్దు.

23, మే 2018, బుధవారం

వెన్నపండు (Avacado)


వెన్నపండు. ఆంగ్లం: Avacado, Alligator Pear, హిందీ: మక్కన్ ఫల్
చూడ్డానికి గర్భాశయంలా కనిపించే ఈ పండు 14 వేల పోటోలిటిక్ రసాయనాల సమ్మేళనం.
గర్భం పొందదలిచినవారు, గర్భిణీలు తప్పక తినవలచిన పండు వెన్నపండు. దీనిలో పుష్కలంగా
పొటాషియం, కరిగే పీచు, పోలేట్ (B9), విటమిన్లు C, K, E ఉంటాయి. పెరిడాక్షిన్ (B6),
పాంటోథేనిక్ యాసిడ్(B5), రిభోప్లావిన్ (B2), నియాసిన్ (B3), లతోపాటు 18 రకాల అమైనో
యాసిడ్స్ ఉంటాయి. 30 గ్రాముల అన్శాచ్యురేటేడ్ ఫాట్, 4 గ్రాముల శాచ్యు రేటేడ్ ఫాట్,
కెరోటినాయిడ్స్ లభిస్తాయి. దీనిలోని పోలేట్ గర్భిణి స్త్రీలలో డిప్రెషన్, నిద్రలేమి, రక్తహీనత, రాకుండా
చెయ్యటమే కాక, జన్మించే బిడ్డకు ‘న్యూరల్ ట్యూబ్ డిఫెక్ట్’ రానివ్వదు. దీనిలోని ఒలేయిక్ యాసిడ్,
మోనోశాచ్యు రేటేడ్ ప్యాట్లు, చెడు కొలెస్టరాల్ ను తగ్గించి, మంచి కొలెస్టరాల్ ను పెంచి గుండె జబ్బులను
రానివ్వవు. దీనిలోని లుటీన్, జియాక్లాంధిన్ లు కళ్ళకు అంధత్వము, శుక్లాలు రాకుండా చేసి, మంచి
ఆరోగ్యాన్ని కలుగజేస్తాయి. దీనిలోని B6 గర్భిణీల్లో వచ్చే వికారాన్ని తగ్గిస్తుంది. దీనిలోని కోలైన్ బిడ్డల
మెదడును, నరాల వ్యవస్థను అభివృద్ధి చేస్తుంది. దీనిలోని పొటాషియం కాళ్ళనరాలు ముణగలాగుక
పోవటాన్ని తగ్గిస్తుంది. దీనిలోని ఒమెగా-3, అల్జీమర్ వ్యాధిని త్రిప్పికొడుతుంది. ఈపండు నోటి దుర్వాసనను,
నాలుక మీద పాచి పట్టటాన్ని తొలగిస్తుంది. తల్లిలో తయారయ్యే పాలను ఆరోగ్యవంతంగా తీర్చి దిద్దుతుంది.
జీర్ణాశయంలోను, చిన్నప్రేవుల లోను, మంట రాకుండా చేస్తుంది. ఈ పండు పోషక శక్తిని ఇవ్వటమే కాక,
ఇతర పదార్దాలలోని పోషకాలు వంటపట్టునట్లు చేసే అమోఘశక్తి 5 రెట్లు కలిగి వుంది

22, మే 2018, మంగళవారం

బాదం గింజలు


బాదం గింజలు. ఆంగ్లం: Almonds. హిందీ: బాదాం.
బాదం గింజల్లో పొటాషియం, మెగ్నీషియం, మాంగనీసు, కాల్షియం,ఫాస్పరస్, రాగి, B & E విటమిన్లు, పోలేట్
పుష్కలంగా లభిస్తాయి. బాదం గింజల్లోని మోనోఅన్శాచ్యురేటేడ్ ప్యాటీ యాసిడ్స్, మరియు యాంటీ ఆక్సిడెంట్స్ గుండె
జబ్బులు రాకుండా అత్యుత్తమ రక్షణ నిస్తాయి.వీనిలోని E విటమిన్, మాంగనీస్, మెగ్నీషియం, ఆర్గినైన్ లాంటి
కీలక పోషకాలు చెడ్డ కొలెస్టరాల్ను తగ్గించడమే కాక నిలకడగా ఉంచుతాయి. మెదడుకు అత్యుత్తమ ఆహారంగా
చెప్పబడ్డ వీనిలోని రిబోఫ్లావిన్, ఎల్కార్నిటైన్ లు మెదడు లో సంభవించే చిత్త వైకల్యము, ఆల్జీమర్ వ్యాదులను
సమర్దవంతముగా నిరోధిస్తాయి. బాదంగింజలు గర్బిణులు తప్పక తీసుకోదగిన ఆహారం. వీనిలోని ఫోలిక్ యాసిడ్,
నవజాత శిశువులకు “బర్త్ డిఫెక్ట్స్” రాకుండా చేస్తుంది. ఇది పిండం పెరుగుదలకు, పిండం యొక్క ఆరోగ్యకర కణజాల
నిర్మాణానికి దోహద పడుతుంది. ప్రసవం తర్వాత తల్లికి పూర్వఆకృతి ఏర్పడటానికి సహాయ పడుతుంది. బాదంలోని
యాంటీ ఆక్సి డెంట్స్, విటమిన్ E లు చర్మాన్ని కాన్సర్ నుండి ఇతర చర్మ వ్యాదులనుండి రక్షిస్తాయి. చర్మం మీద
ముడతలు, బ్లాక్ హెడ్స్, కళ్ళక్రింద నల్లటి వలయాలు రానివ్వవు. బాదం గింజలకు బరువును తగ్గించటమే కాక
కండరాలను దృడంగా మార్చే శక్తి ఉంది. బలమైన ఎముకలను, దంతాలను కూడా నిర్మిస్తాయి. ఇందులోని జింక్ ఇతర
లవణాలు జుట్టు పొడిబారకుండా, తెల్లబడకుండా, చిట్లిపోకుండా,రాలిపోకుండా, ఎప్పటికి చుండ్రురాకుండా చేస్తాయి. బాదం
గింజ ల్లోని జింక్, విటమిన్ B12, ఒత్తిడిని తగ్గించి, భావోద్వేగాల్ని నియంత్రించుకునే సామర్ధ్యాన్ని పెంచుతాయి.
Tip: యాంటీ ఆక్సిడెంట్స్ బాదంగింజల పైపోలుసులోనే కేంద్రీకరించి వుంటాయి కనుక వానిని పోలుసుతోనే తినటం మంచిది.
వృక్షనామం:Prunus Dulcis.